Mette Karlsvik

mette karlsvik

Mette Karlsvik (f. 1978)  er ein av dei mest spennande unge forfattarane i Noreg.

Mette Karlsvik debuterte i 2005 med romanen Vindauga i matsalen vender mot fjorden, som ho fekk Tarjei Vesaas’ debutantpris for. Ho har sidan skrive både for barn og vaksne. I romanen Flytårn (2007) møter vi flygeleiaren ved Kvernberget flytårn. Han har utsikt over alt og gode kunnskapar om meteorologi, geografi og samfunnstilhøva i området – men har han innsikt nok til å forstå kone og barn? Romanen Pol kom i 2008, og barneboka 1-2-TRE i 2009. I 2011 vart Karlsvik Bragepris-nominert for romanen Bli Björk som vart svært godt tatt imot av kritikarane. I 2012 fekk ho både Bohandlarstipend, Stig Sæterbakkens minnepris og Skien kommunes kunstnerstipend.

Karlsvik er frå Frei på Nordmøre, men flytta tidleg derfrå for å gå det idealistiske gymnaset United World College. Sidan fekk ho bachelorgrad i biletkunst frå Glasgow og bachelorgrad i journalistikk frå Universitetet i Bergen. Ho har gått på Skrivekunstakademiet i Hordaland, og har hatt vikariat som journalist for Morgenbladet, Bergens Tidende, D2 (DN) og Tidens Krav. Ho er nettjournalist for Den Norske Forfatterforening.

Karlsvik bur i Oslo.

 

Utgjevingar

Vindauga i matsalen vender mot fjorden (roman, 2005)
Flytårn (roman, 2007)
Pol (roman, 2008)
1–2–TRE (roman for barn, 2009)
Post Oske/ Dagar og netter i Reykjavik (dokumentar, 2011)
Bli Björk (roman, 2011)
Prinsland (roman, 2012, ill. Svein Størksen)

 

Prisar & utmerkingar

Stig Sæterbakkens minnepris 2012
Bokhandlerforeningens stipend 2012
Skien kommunes kunstnerstipend 2012
Sigmund Skard-stipendet
Tarjei Vesaas’ debutantpris

 

Skrive om Bli Bjørk (2011)

«Et levende og dristig eksperiment fra en forfatter som tenker i bilder og skriver på særegne premisser.» – Ingunn Økland,  Aftenposten

«Mette Karlsviks bok om Björk gløder av energi og vilje til lys (…) et språklig presisjonsnivå som overgår det meste av norsk litteratur anno 2011.» – Morten Wintervold,  Klassekampen

«Det [romanen] har mye av er poesi og en følelse av politisk relevans (…) romanen har egenskaper, som peker fremover mot noen nye horiosonter i norsk litteratur.» – Knut Hoem,  NRK

«Ei storhending av ein roman (…) Dette er ein roman fylt av lyrikk, sansing og musikk, på bakken kjenslevâr, ein hyllest til ein person, ein kunstnar, eit landskap og eit folk.» – Jan Askelund,  Stavanger Aftenblad

 

Mette Karlsvik på Audiatur bokhandel >>

 

 

 

Foto: Ellen Lande Gossner, Morgenbladet